內容如下:
我想請教醫師;
我依家脷苔一向都好厚, 又有齒印..經常失眠..又周身骨痛,
其實已有找中醫調理身體, 但好似情況都沒有改善, 近排仲經常口乾,
有白痰...牙肉內側腫痛....而經期時頭2天特別痛....想知我究竟係咩體質, 除了飲中藥外,
有甚麼食療可以幫我改善白痰及白厚脷苔??
非常感謝!!
脷苔,我地會叫舌苔,某程度可以反映身體內在的情況。
跟據中醫診斷的方法,舌苔厚,多數會係實邪:
可能係積滯、可能係濕濁
但導致這種實邪,可能跟本原因是虛(講到呢度,大家已經肯定醫師係玩野)
。。。。。。。。。
虛,可能係腸胃(脾)功能差左,消化差左,咁就會積滯。
因為脾有平均分佈身體內水份的功能,所以如果分佈不均,貧富懸殊,就會出現症狀。
例如多左水:白痰(水唔行聚埋一舊);少左水:口乾(水唔上個口)。
如果係實症,可能就係食得太多超過腸胃負荷,或者外來的濕氣太勁引起。
。。。。。。。。。
針對返症狀分析
舌苔一向都好厚->濕
齒印->脾氣虛+濕
失眠->沒有足夠資料,但氣虛也可以失眠,如果心氣虛,會有容易俾嚇親的情況
周身骨痛-> 濕也會引起骨痛,通常都會手腳重
口乾-> 津不上承,水上唔到個口,氣虛或濕阻
有白痰->濕聚成痰
牙肉內側腫痛->唔夠資料分析
經期時頭2天特別痛->由於月經本身的生理比較複雜(可以寫一本書),經期頭痛多數係身體的氣血行得唔好而出現,暫時好難解釋
粗略咁講:你體質係氣虛+濕重
跟據呢個推論,氣虛個人會易倦,怕冷,易出汗或無汗,唔夠氣,面色白等等
濕,唔計你上面講左個啲,重會有水腫,大便粘(疴唔淨的感覺)腹脹,白帶多等等
未必會有齊,但睇下我講中幾多個。
至於食療,氣虛就要補氣,有濕就要袪濕
詳細有乜,請等我下回分解。
。。。。。。。。。
醫師交雜誌稿時間又到,俾多幾日我啦
本身春天到都想寫下食療,不如寫左大家跟住煮,幫我影D相又俾D意見啦
。。。。。。。。。
週末愉快
回覆刪除[版主回覆03/17/2013 14:59:50]大家咁話
你解答得很清楚^0^....我依家會經常留意你個Blog^^
回覆刪除期待你的下回分解!!
[版主回覆03/19/2013 10:56:40]多謝支持!! 我會再加油出多D新post. 向目標進發
寫得很詳盡~~~ 謝謝醫師!
回覆刪除●小禺呢排都有口乾、白痰,
[ 口乾→ 津不上承,水上唔到個口,氣虛或濕阻
有白痰→濕聚成痰 ] 睇咗有明明哋,原來食太多、天氣濕都有關係。
●心氣虛既症狀都中咗幾點。
●仲教埋食療,小禺會繼續支持呀~~~!
[版主回覆03/19/2013 12:49:31]多謝支持,食療已抄。可睇新post!!!